(עפ”י מרן החיד”א זלה”ה ועוד. וכתב המקובל רבי יצחק כדורי זלה”ה בכת”י הנדפס בספר קדושת יצחק ח”ה עמ’ שצ”ו שיש לומר כהסדר דלהלן אחרי שחרית ואחרי מנחה ואחרי ערבית כל יום, וכתב: “ותראה פלאות”)
הוֹרֵנִי יְהוָה, דֶּרֶךְ חֻקֶּיךָ; וְאֶצְּרֶנָּה עֵקֶב. הֲבִינֵנִי, וְאֶצְּרָה תוֹרָתֶךָ; וְאֶשְׁמְרֶנָּה בְכָל-לֵב. הַדְרִיכֵנִי, בִּנְתִיב מִצְוֺתֶיךָ: כִּי-בוֹ חָפָצְתִּי. הַט-לִבִּי, אֶל-עֵדְוֺתֶיךָ; וְאַל אֶל-בָּצַע. הַעֲבֵר עֵינַי, מֵרְאוֹת שָׁוְא; בִּדְרָכֶךָ חַיֵּנִי. הָקֵם לְעַבְדְּךָ, אִמְרָתֶךָ אֲשֶׁר, לְיִרְאָתֶךָ. הַעֲבֵר חֶרְפָּתִי, אֲשֶׁר יָגֹרְתִּי: כִּי מִשְׁפָּטֶיךָ טוֹבִים. הִנֵּה, תָּאַבְתִּי לְפִקֻּדֶיךָ; בְּצִדְקָתְךָ חַיֵּנִי.
קָרָאתִי בְכָל-לֵב, עֲנֵנִי יְהוָה; חֻקֶּיךָ אֶצֹּרָה. קְרָאתִיךָ הוֹשִׁיעֵנִי; וְאֶשְׁמְרָה, עֵדֹתֶיךָ. קִדַּמְתִּי בַנֶּשֶׁף, וָאֲשַׁוֵּעָה; לדבריך (לִדְבָרְךָ) יִחָלְתִּי. קִדְּמוּ עֵינַי, אַשְׁמֻרוֹת לָשִׂיחַ, בְּאִמְרָתֶךָ. קוֹלִי, שִׁמְעָה כְחַסְדֶּךָ; יְהוָה, כְּמִשְׁפָּטֶךָ חַיֵּנִי. קָרְבוּ, רֹדְפֵי זִמָּה; מִתּוֹרָתְךָ רָחָקוּ. קָרוֹב אַתָּה יְהוָה; וְכָל-מִצְוֺתֶיךָ אֱמֶת. קֶדֶם יָדַעְתִּי, מֵעֵדֹתֶיךָ: כִּי לְעוֹלָם יְסַדְתָּם.
מָה-אָהַבְתִּי תוֹרָתֶךָ: כָּל-הַיּוֹם, הִיא שִׂיחָתִי. מֵאֹיְבַי, תְּחַכְּמֵנִי מִצְוֺתֶךָ: כִּי לְעוֹלָם הִיא-לִי. מִכָּל-מְלַמְּדַי הִשְׂכַּלְתִּי: כִּי עֵדְוֺתֶיךָ, שִׂיחָה לִי. מִזְּקֵנִים אֶתְבּוֹנָן: כִּי פִקּוּדֶיךָ נָצָרְתִּי. מִכָּל-אֹרַח רָע, כָּלִאתִי רַגְלָי לְמַעַן, אֶשְׁמֹר דְּבָרֶךָ. מִמִּשְׁפָּטֶיךָ לֹא-סָרְתִּי: כִּי-אַתָּה, הוֹרֵתָנִי. מַה-נִּמְלְצוּ לְחִכִּי, אִמְרָתֶךָ מִדְּבַשׁ לְפִי. מִפִּקּוּדֶיךָ אֶתְבּוֹנָן; עַל כֵּן, שָׂנֵאתִי כָּל-אֹרַח שָׁקֶר.
ואח”כ יאמר את האותיות של האלפא ביתא הנ”ל בסדר הפוך דהיינו מק”ה, ואח”כ שוב בסדר ישר דהיינו הק”מ.
יהי רצון מלפניך, שבזכות שמך הקדוש שהתכוונתי בו, תקים את מזלי, באופן שתהיה לי ברכה והצלחה בכל לעבודתך ולתורתך, לטובה ולברכה. אמן.
