Before the court hearing, even if it is still some time away:
Recite the following psalm in an open place (without a roof):
מַשְׂכִּיל לְאֵיתָן הָֽאֶזְרָחִֽי: חַֽסְדֵי יְהוָה עוֹלָם אָשִׁירָה לְדֹר וָדֹר | אוֹדִיעַ אֱמוּנָתְךָ בְּפִֽי: כִּֽי-אָמַרְתִּי עוֹלָם חֶסֶד יִבָּנֶה שָׁמַיִם | תָּכִן אֱמוּנָתְךָ בָהֶֽם: כָּרַתִּֽי בְרִית לִבְחִירִי נִשְׁבַּעְתִּי לְדָוִד עַבְדִּֽי: עַד-עוֹלָם אָכִין זַרְעֶךָ וּבָנִיתִי לְדֹר-וָדוֹר כִּסְאֲךָ סֶֽלָה: וְיוֹדוּ שָׁמַיִם פִּלְאֲךָ יְהוָה אַף-אֱמֽוּנָתְךָ בִּקְהַל קְדֹשִֽׁים: כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים: אֵל נַעֲרָץ בְּסוֹד-קְדֹשִׁים רַבָּה וְנוֹרָא עַל-כָּל-סְבִיבָֽיו: יְהוָה | אֱלֹהֵי צְבָאוֹת מִֽי-כָֽמוֹךָ חֲסִין | יָהּ וֶאֱמֽוּנָתְךָ סְבִיבוֹתֶֽיךָ: אַתָּה מוֹשֵׁל בְּגֵאוּת הַיָּם בְּשׂוֹא גַלָּיו אַתָּה תְשַׁבְּחֵֽם: אַתָּה דִכִּאתָ כֶחָלָל רָהַב בִּזְרוֹעַ עֻזְּךָ פִּזַּרְתָּ אוֹיְבֶֽיךָ: לְךָ שָׁמַיִם אַף-לְךָ אָרֶץ תֵּבֵל וּמְלֹאָהּ אַתָּה יְסַדְתָּֽם: צָפוֹן וְיָמִין אַתָּה בְרָאתָם תָּבוֹר וְחֶרְמוֹן בְּשִׁמְךָ יְרַנֵּֽנוּ: לְךָ זְרוֹעַ עִם-גְּבוּרָה תָּעֹז יָדְךָ תָּרוּם יְמִינֶֽךָ: צֶדֶק וּמִשְׁפָּט מְכוֹן כִּסְאֶךָ חֶסֶד וֶאֱמֶת יְֽקַדְּמוּ פָנֶֽיךָ: אַשְׁרֵי הָעָם יוֹדְעֵי תְרוּעָה יְהוָה בְּֽאוֹר-פָּנֶיךָ יְהַלֵּכֽוּן: בְּשִׁמְךָ יְגִילוּן כָּל-הַיּוֹם וּבְצִדְקָתְךָ יָרֽוּמוּ: כִּֽי-תִפְאֶרֶת עֻזָּמוֹ אָתָּה וּבִרְצֹנְךָ (תרים) תָּרוּם קַרְנֵֽנוּ: כִּי לַֽיהוָה מָֽגִנֵּנוּ וְלִקְדוֹשׁ יִשְׂרָאֵל מַלְכֵּֽנוּ: אָז דִּבַּרְתָּֽ-בְחָזוֹן לַֽחֲסִידֶיךָ וַתֹּאמֶר שִׁוִּיתִי עֵזֶר עַל-גִּבּוֹר הֲרִימוֹתִי בָחוּר מֵעָֽם: מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּֽיו: אֲשֶׁר יָדִי תִּכּוֹן עִמּוֹ אַף-זְרוֹעִי תְאַמְּצֶֽנּוּ: לֹֽא-יַשִּׁא אוֹיֵב בּוֹ וּבֶן-עַוְלָה לֹא יְעַנֶּֽנּוּ: וְכַתּוֹתִי מִפָּנָיו צָרָיו וּמְשַׂנְאָיו אֶגּֽוֹף: וֶֽאֶֽמוּנָתִי וְחַסְדִּי עִמּוֹ וּבִשְׁמִי תָּרוּם קַרְנֽוֹ: וְשַׂמְתִּי בַיָּם יָדוֹ וּֽבַנְּהָרוֹת יְמִינֽוֹ: הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִֽי: אַף-אָנִי בְּכוֹר אֶתְּנֵהוּ עֶלְיוֹן לְמַלְכֵי-אָֽרֶץ: לְעוֹלָם (אשמור)-אֶשְׁמָר-לוֹ חַסְדִּי וּבְרִיתִי נֶאֱמֶנֶת לֽוֹ: וְשַׂמְתִּי לָעַד זַרְעוֹ וְכִסְאוֹ כִּימֵי שָׁמָֽיִם: אִם-יַֽעַזְבוּ בָנָיו תּוֹרָתִי וּבְמִשְׁפָּטַי לֹא יֵלֵכֽוּן: אִם-חֻקֹּתַי יְחַלֵּלוּ וּמִצְוֹתַי לֹא יִשְׁמֹֽרוּ: וּפָקַדְתִּי בְשֵׁבֶט פִּשְׁעָם וּבִנְגָעִים עֲוֹנָֽם: וְחַסְדִּי לֹֽא-אָפִיר מֵֽעִמּוֹ וְלֹֽא-אֲשַׁקֵּר בֶּאֱמוּנָתִֽי: לֹא-אֲחַלֵּל בְּרִיתִי וּמוֹצָא שְׂפָתַי לֹא אֲשַׁנֶּֽה: אַחַת נִשְׁבַּעְתִּי בְקָדְשִׁי אִֽם-לְדָוִד אֲכַזֵּֽב: זַרְעוֹ לְעוֹלָם יִהְיֶה וְכִסְאוֹ כַשֶּׁמֶשׁ נֶגְדִּֽי: כְּיָרֵחַ יִכּוֹן עוֹלָם וְעֵד בַּשַּׁחַק נֶאֱמָן סֶֽלָה: וְאַתָּה זָנַחְתָּ וַתִּמְאָס הִתְעַבַּרְתָּ עִם-מְשִׁיחֶֽךָ: נֵאַרְתָּה בְּרִית עַבְדֶּךָ חִלַּלְתָּ לָאָרֶץ נִזְרֽוֹ: פָּרַצְתָּ כָל-גְּדֵרֹתָיו שַׂמְתָּ מִבְצָרָיו מְחִתָּה: שַׁסֻּהוּ כָּל-עֹבְרֵי דָרֶךְ הָיָה חֶרְפָּה לִשְׁכֵנָֽיו: הֲרִימוֹתָ יְמִין צָרָיו הִשְׂמַחְתָּ כָּל-אוֹיְבָֽיו: אַף-תָּשִׁיב צוּר חַרְבּוֹ וְלֹא הֲקֵימֹתוֹ בַּמִּלְחָמָֽה: הִשְׁבַּתָּ מִטְּהָרוֹ וְכִסְאוֹ לָאָרֶץ מִגַּֽרְתָּה: הִקְצַרְתָּ יְמֵי עֲלוּמָיו הֶֽעֱטִיתָ עָלָיו בּוּשָׁה סֶֽלָה: עַד-מָה יְהוָה תִּסָּתֵר לָנֶצַח תִּבְעַר כְּמוֹ-אֵשׁ חֲמָתֶֽךָ: זְכָר-אֲנִי מֶה-חָלֶד עַל-מַה-שָּׁוְא בָּרָאתָ כָל-בְּנֵי-אָדָֽם: מִי גֶבֶר יִֽחְיֶה וְלֹא יִרְאֶה-מָּוֶת יְמַלֵּט נַפְשׁוֹ מִיַּד-שְׁאוֹל סֶֽלָה: אַיֵּה | חֲסָדֶיךָ הָרִאשֹׁנִים | אֲדֹנָי נִשְׁבַּעְתָּ לְדָוִד בֶּאֱמוּנָתֶֽךָ: זְכֹר אֲדֹנָי חֶרְפַּת עֲבָדֶיךָ שְׂאֵתִי בְחֵיקִי כָּל-רַבִּים עַמִּֽים: אֲשֶׁר חֵרְפוּ אוֹיְבֶיךָ | יְהוָה אֲשֶׁר חֵרְפוּ עִקְּבוֹת מְשִׁיחֶֽךָ: בָּרוּךְ יְהוָה לְעוֹלָם אָמֵן | וְאָמֵֽן:
Another prayer and verses for a court case, which may be recited at any time and in any place:
יְהֹוָה מָלָךְ גֵּאוּת לָבֵשׁ לָבֵשׁ יְהֹוָה עֹז הִתְאַזָּר אַף תִּכּוֹן תֵּבֵל בַּל תִּמּוֹט: נָכוֹן כִּסְאֲךָ מֵאָז מֵעוֹלָם אָתָּה: נָשְׂאוּ נְהָרוֹת יְהֹוָה נָשְׂאוּ נְהָרוֹת קוֹלָם יִשְׂאוּ נְהָרוֹת דָּכְיָם: מִקֹּלוֹת מַיִם רַבִּים אַדִּירִים מִשְׁבְּרֵי יָם אַדִּיר בַּמָּרוֹם יְהֹוָה: עֵדֹתֶיךָ נֶאֶמְנוּ מְאֹד לְבֵיתְךָ נַאֲוָה קֹדֶשׁ יְהֹוָה לְאֹרֶךְ יָמִים:
יְהִי רָצוֹן מִלְּפָנֶיךָ יְהָוְהָ אֱלֹהֵינוּ וֵאלֹהֵי אֲבוֹתֵינוּ, שֶׁתַּצְלִיחַ אֵת עַמְּךָ בֵּית יִשְׂרָאֵל, וּבִכְלַלַם תַּצְלִיחַ אוֹתִי (nome e nome de mãe). וְאִם הֻכְרַחְתִּי לָלֶכֶת אֵצֶל הַשּׁוֹפֵט אוֹ אֵיזֶה שַׂר, נָא אָב הָרַחֲמִים, תִּתְמַלֵּא עָלֵינוּ בְּרַחֲמִים, וְתִתֵּן בְּפִינוּ מַעֲנֶה, וְהֹורֵנוּ הַדֶּרֶךְ אֲשֶׁר נֵלֵךְ בָּהּ לִטְעֹן טַעֲנַתֵנוּ וּלְמָלֵא בַּקָּשָׁתֵנוּ, כְּמוֹ שֶׁנֶּאֱמָר וְאָנֹכִי אֶהְיֶה עִם פִּיךָ וְהוֹרֵיתִיךָ אֲשֶׁר תְּדַבֵּר, וְנֵצֵא זָכַּאִים בְּדִינֵנוּ וּבְמִשְׁפָּטֵינוּ, וְאַל יִקְרֶה לָנוּ כָּל דָּבָר רַע, הֵן מִמַּאֲסָר הֵן מִקְּנָסוֹת וּמִכָּל פֶּגַע רַע וְאֵיזֶה דָּבָר לֹא הָגוּן. וְיִהְיוּ דְּבָרֵינוּ וְטַעָנוֹתֵינוּ מְרֻצִּים וּמְקֻבְּלִים בְּעֵינֵי הַשּׁוֹפְטִים וְהַשַּׂרִים, וִיְמַלְּאוּ בַּקָּשׁוֹתֵינוּ לְטוֹבָה במִילוּאַם לְהָצְלָחָתֵנוּ. וּתְקַיֵּם בָּנוּ מִקְרָא שֶׁכָּתוּב: כָּל כְּלִי יוּצַר עָלַיִךְ לֹא יִצְלָח וְכָל לָשׁוֹן תָּקוּם אִתָּךְ לַמִּשְׁפָּט תַּרְשִׁיעִי זֹאת נַחֲלַת עַבְדֵי יְהֹוָה וְצִדְקָתָם מֵאִתִּי נְאֻם יְהֹוָה. יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ יְהֹוָה צוּרִי וְגֹאֲלִי:
אנא יְהָוְהָ עשה למען רחמיך הרבים ולמען זכות הפסוקים שנקרא לפניך, שתמעיט כח האומות מעלי, באופן שלא יוכלו להרע לי כלל ועיקר, ואצא זכאי בכל משפטיהם:
וּבַֽחֲמִשָּׁה עָשָׂר יוֹם לַחֹדֶשׁ הַשְּׁבִיעִי מִֽקְרָא-קֹדֶשׁ יִֽהְיֶה לָכֶם כָּל-מְלֶאכֶת עֲבֹדָה לֹא תַֽעֲשׂוּ וְחַגֹּתֶם חַג לַֽיהֹוָה שִׁבְעַת יָמִֽים: וְהִקְרַבְתֶּם עֹלָה אִשֵּׁה רֵיחַ נִיחֹחַ לַֽיהֹוָה פָּרִים בְּנֵֽי-בָקָר שְׁלֹשָׁה עָשָׂר אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִם יִֽהְיֽוּ: וּמִנְחָתָם סֹלֶת בְּלוּלָה בַשָּׁמֶן שְׁלֹשָׁה עֶשְׂרֹנִים לַפָּר הָֽאֶחָד לִשְׁלֹשָׁה עָשָׂר פָּרִים שְׁנֵי עֶשְׂרֹנִים לָאַיִל הָֽאֶחָד לִשְׁנֵי הָֽאֵילִֽם: וְעִשָּׂרוֹן עִשָּׂרוֹן לַכֶּבֶשׂ הָֽאֶחָד לְאַרְבָּעָה עָשָׂר כְּבָשִֽׂים: וּשְׂעִיר-עִזִּים אֶחָד חַטָּאת מִלְּבַד עֹלַת הַתָּמִיד מִנְחָתָהּ וְנִסְכָּֽהּ: וּבַיּוֹם הַשֵּׁנִי פָּרִים בְּנֵֽי-בָקָר שְׁנֵים עָשָׂר אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: וּמִנְחָתָם וְנִסְכֵּיהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כַּמִּשְׁפָּֽט: וּשְׂעִיר-עִזִּים אֶחָד חַטָּאת מִלְּבַד עֹלַת הַתָּמִיד וּמִנְחָתָהּ וְנִסְכֵּיהֶֽם: וּבַיּוֹם הַשְּׁלִישִׁי פָּרִים עַשְׁתֵּֽי-עָשָׂר אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: וּמִנְחָתָם וְנִסְכֵּיהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כַּמִּשְׁפָּֽט: וּשְׂעִיר חַטָּאת אֶחָד מִלְּבַד עֹלַת הַתָּמִיד וּמִנְחָתָהּ וְנִסְכָּֽהּ: וּבַיּוֹם הָֽרְבִיעִי פָּרִים עֲשָׂרָה אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: מִנְחָתָם וְנִסְכֵּיהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כַּמִּשְׁפָּֽט: וּשְׂעִיר-עִזִּים אֶחָד חַטָּאת מִלְּבַד עֹלַת הַתָּמִיד מִנְחָתָהּ וְנִסְכָּֽהּ: וּבַיּוֹם הַֽחֲמִישִׁי פָּרִים תִּשְׁעָה אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: וּמִנְחָתָם וְנִסְכֵּיהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כַּמִּשְׁפָּֽט: וּשְׂעִיר חַטָּאת אֶחָד מִלְּבַד עֹלַת הַתָּמִיד וּמִנְחָתָהּ וְנִסְכָּֽהּ: וּבַיּוֹם הַשִּׁשִּׁי פָּרִים שְׁמֹנָה אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: וּמִנְחָתָם וְנִסְכֵּיהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כַּמִּשְׁפָּֽט: וּשְׂעִיר חַטָּאת אֶחָד מִלְּבַד עֹלַת הַתָּמִיד מִנְחָתָהּ וּנְסָכֶֽיהָ: וּבַיּוֹם הַשְּׁבִיעִי פָּרִים שִׁבְעָה אֵילִם שְׁנָיִם כְּבָשִׂים בְּנֵֽי-שָׁנָה אַרְבָּעָה עָשָׂר תְּמִימִֽם: וּמִנְחָתָם וְנִסְכֵּהֶם לַפָּרִים לָֽאֵילִם וְלַכְּבָשִׂים בְּמִסְפָּרָם כְּמִשְׁפָּטָֽם: וּשְׂעִיר חַטָּאת אֶחָד מִלְּבַד עֹלַת הַתָּמִיד מִנְחָתָהּ וְנִסְכָּֽהּ:
Close to the court hearing:
Recite the following psalm:
שִׁגָּי֗וֹן לְדָ֫וִ֥ד אֲשֶׁר-שָׁ֥ר לַיהוָ֑ה עַל-דִּבְרֵי-כ֝֗וּשׁ בֶּן-יְמִינִֽי: יְהוָ֣ה אֱ֭לֹהַי בְּךָ֣ חָסִ֑יתִי הוֹשִׁיעֵ֥נִי מִכָּל-רֹ֝דְפַ֗י וְהַצִּילֵֽנִי: פֶּן-יִטְרֹ֣ף כְּאַרְיֵ֣ה נַפְשִׁ֑י פֹּ֝רֵ֗ק וְאֵ֣ין מַצִּֽיל: יְהוָ֣ה אֱ֭לֹהַי אִם-עָשִׂ֣יתִי זֹ֑את אִֽם-יֶשׁ-עָ֥וֶל בְּכַפָּֽי: אִם-גָּ֭מַלְתִּי שֽׁוֹלְמִ֥י רָ֑ע וָאֲחַלְּצָ֖ה צוֹרְרִ֣י רֵיקָֽם: יִֽרַדֹּ֥ף אוֹיֵ֨ב | נַפְשִׁ֡י וְיַשֵּׂ֗ג וְיִרְמֹ֣ס לָאָ֣רֶץ חַיָּ֑י וּכְבוֹדִ֓י | לֶעָפָ֖ר יַשְׁכֵּ֣ן סֶֽלָה: ק֘וּמָ֤ה יְהוָ֨ה | בְּאַפֶּ֗ךָ הִ֭נָּשֵׂא בְּעַבְר֣וֹת צוֹרְרָ֑י וְע֥וּרָה אֵ֝לַ֗י מִשְׁפָּ֥ט צִוִּֽיתָ: וַעֲדַ֣ת לְ֭אֻמִּים תְּסוֹבְבֶ֑ךָּ וְ֝עָלֶ֗יהָ לַמָּר֥וֹם שֽׁוּבָה: יְהוָה֮ יָדִ֪ין עַ֫מִּ֥ים שָׁפְטֵ֥נִי יְהוָ֑ה כְּצִדְקִ֖י וּכְתֻמִּ֣י עָלָֽי: יִגְמָר-נָ֬א רַ֨ע | רְשָׁעִים֮ וּתְכוֹנֵ֪ן צַ֫דִּ֥יק וּבֹחֵ֣ן לִ֭בּ֗וֹת וּכְלָי֗וֹת אֱלֹהִ֥ים צַדִּֽיק: מָֽגִנִּ֥י עַל-אֱלֹהִ֑ים מ֝וֹשִׁ֗יעַ יִשְׁרֵי-לֵֽב: אֱ֭לֹהִים שׁוֹפֵ֣ט צַדִּ֑יק וְ֝אֵ֗ל זֹעֵ֥ם בְּכָל-יֽוֹם: אִם-לֹ֣א יָ֭שׁוּב חַרְבּ֣וֹ יִלְט֑וֹשׁ קַשְׁתּ֥וֹ דָ֝רַ֗ךְ וַֽיְכוֹנְנֶֽהָ: וְ֭לוֹ הֵכִ֣ין כְּלֵי-מָ֑וֶת חִ֝צָּ֗יו לְֽדֹלְקִ֥ים יִפְעָֽל: הִנֵּ֥ה יְחַבֶּל-אָ֑וֶן וְהָרָ֥ה עָ֝מָ֗ל וְיָ֣לַד שָֽׁקֶר: בּ֣וֹר כָּ֭רָֽה וַֽיַּחְפְּרֵ֑הוּ וַ֝יִּפֹּ֗ל בְּשַׁ֣חַת יִפְעָֽל: יָשׁ֣וּב עֲמָל֣וֹ בְרֹאשׁ֑וֹ וְעַ֥ל קָ֝דְקֳד֗וֹ חֲמָס֥וֹ יֵרֵֽד: אוֹדֶ֣ה יְהוָ֣ה כְּצִדְק֑וֹ וַ֝אֲזַמְּרָ֗ה שֵֽׁם-יְהוָ֥ה עֶלְיֽוֹן:
After reciting the psalm, say the following prayer:
יְהִי רָצוֹן מִלְפָנֶיךָ אֵל עֶלְיוֹן שֶׁתּוֹצִיאֵנִי לִזְכוּת וְתְּדִינֵנִי לְכַף זְכוּת אָמֵן סֶלָה.
Repeat the psalm and the above prayer two more times.
Immediately before the hearing, and preferably already in the presence of the judge:
Recite the following verse 24 times: “צַדִּיק אַתָּה יהוה וְיָשָׁר מִשְׁפָּטֶיךָ”
